Den Beieveräin Kanton Dikrich wënscht Iech schéin Feierdeeg!

Och d‘Aktivitéiten vun eisem Veräin kommen an dëser turbulenter Zäit e bëssen ze kuerz an den Chrëschtmaart zu Dikrich fënnt aus verständlechen Grënn dëst Joer net statt.

Dofir wëllen mir Iech hëllefen fir mat engem gudden hausgemaachen Glühwäin vum Antonio awer nach an eng festlech Stëmmung ze kommen. Natierlech kritt dir och Hunneg vun eisen Beien oder eng gutt Hunnegdrëpp, alles heem op d’Dier geliwwert (Kanton Dikrich an Ëmgéigend).

Glühwäin an der 1 Liter Glasfläsch                12€

Hunneg am 500 g Glas                                      7€

Hunnegdrëpp an der 250 cL Fläsch                   8€

Wann Dir Intressi hutt, maacht eis e kuerzen Email an mir ginn Iech Bescheed soubal d’Liwwerung sech op den Wee mëscht.

Bezuelen kënnt Dir ganz bequem per Digicash op den 621 494 586 oder per Virement op den CCPL LU08 1111 0409 6733 0000 vun der Union des Apiculteurs du Canton de Diekirch.

Mir wënschen eng gutt Gesondheet, vill Courage an schéin Feierdeeg!

Beieveräin Kanton Dikrich

Déi praktesch Kuere fänken am Juli nees un. Jidwereen, deen drun deelhuele wëll, soll sech weg. iwwer dëse Formulaire umelden:

Seminär iwwer d‘Hierstellung vun fein-cremegem Hunneg duerch kontrolléiert Erwiermung

D’Verkaafsgemeinschaft „Lëtzebuerger Hunneg“, an Zesummen-aarbecht mam Beieveräin Kanton Dikrich, invitéiert häerzlech op hiert Seminär zum Thema „Hunnegerwiermung“.

Dës Informatiounsveranstaltung fënnt Donneschdes den 30. Januar 2020 owes um 19h30 zu Dikrich am Festsall vun der Grondschoul (Gebai hannert der Kierch, nieft dem Gericht) statt.

De Beieberoder Andreas Reichart wäert hei Erklärungen zum Thema liwweren, ee klenge Film dozou weisen an och op der Plaz praktesch virféieren wéi ee kleng Quantitéiten Hunneg mat einfachen Mëttele schounend erwiermen, cremeg réieren an domadder zäitversat a Glieser afëlle kann.

Während dem Virtrag ginn och déi néideg Erklärunge geliwwert, wéi eng Critère beim Erwiermen an Réiere respektéiert gi mussen fir dat den Hunneg kee Schued hëlt an den Endproduit sou ausgesäit a schmaacht wéi de Konsument en am léifsten keeft. Weider informéiert den Andreas iwwer déi breetgefächert Erfarungen, di am däitschsproochegen Raum an deem Beräich gemaach goufen, an wéi déi aktuell Praxis do ass.